Bakıdakı "Hacı Cavad" məscidində xanım Zəhranın (s.ə) mövludu münasibətilə növbəti Quran gecəsi keçirilib.
Mərasimdə tanınmış Quran qariləri, o cümlədən ilahiyyatçı alimlər iştirak ediblər.
Mərasimdə çıxış edən "Hacı Cavad" məscidinin axundu, ilahiyyatçı alim hacı Əhliman Rüstəmov xanım Zəhranın (s.ə) mövludu münasibətilə təbriklərini çatdırıb.
Axund bildirib ki, Məhəmməd peyğəmbər (s) qızı Fatiməni (s.ə) "dünya qadınlarının xanımı” adlandırıb: "Həzrət Fatimə (s.ə) islam tarixində hədsiz imanlı, son dərəcə iffətli, səxavətli, elmli bir qadın kimi yad edilir. Qısa ömrü ərzində dini və dünyəvi məsələlərdə Mədinə qadınları üçün əsl müəllimə rolunu oynamış Xanım özünə müraciət edən hər kəsə mənəvi və maddi yardım göstərib."
Sonra "Təzəpir" məscidinin baş axundu hacı Faiz Nağızadə Qurani-Kərimi oxumağın dinimizdə ən böyük savablardan və ibadətlərdən biri sayıldığını deyib.
Daha sonra isə F.Nağızadənin Quran ayələrini oxuması ilə mərasim açıq elan olunub.
скачать dle 10.3фильмы бесплатно

www.ehlibeyt.info