Bu fikirləri , Ehlibeyt.info -a ilahiyyatçı alim Hacı Samir Ağayev deyib."Ümumiyyətlə, qurban kəsmək həcc ziyarətində olan zəvvarlar üçün vacibdir, lakin ziyarətdə olmayan insanlar da qurban kəsə bilərlər. İnsan öz niyyətində pis əməllərininin üstündən xətt çəkməklə qurbanı kəsməlidir. Çünki bu əməl insanı Allaha daha da yaxınlaşdırır. Bəndə öz səhvini anlamalı və tövbə etməlidir.

Bundan başqa, insan qurban kəsməklə təqvaya yaxınlaşmalıdır. Bütün islami ibadətlərdə olduğu kimi, qurbanlıq da insanın həm maddi, həm də mənəvi həyatına müsbət təsir bağışlamalıdır. Çünki qurbanlıq Allaha yaxınlaşmaq üçün ən böyük fürsətdir. Qurani-kərimdə ibadətlə yanaşı, həmçinin ictimai vəzifələr də tövsiyyə olunub. Bu vəzifələrin başında isə insanlara xidmət etmək, kasıblara əl tutmaq dayanır", - deyə ilahiyyatçı bildirib.

Qeyd edək ki, İslam dünyasının ən müqəddəs bayramlarından sayılan Qurban bayramı bütün müsəlman ölkələrində təmtəraqla qeyd olunur. Azərbaycan müstəqillik əldə etdikdən sonra Milli Məclisin qəbul etdiyi 1992-ci il 27 oktyabr tarixli "Azərbaycan Respublikasının bayramları haqqında" Qanununa əsasən, Qurban bayramı Azərbaycanda da dövlət səviyyəsində bayram kimi qeyd edilir.