"Taksiyə oturub şəhərdən rayona gedirdim. Sürücü bir qədər yaşlı olsa da söhbətimiz dostcasına alındı. Bir çox şeylərdən danışdıq. Yolun sonuna yaxın sürücü bir qədər fikirə gedib, ah çəkdi və dedi: Oğlum, sənin pak oğlan olduğunu görürəm, ona görə sənə həyatda aldığım ən böyük dərs barəsində danışmaq istəyirəm. Bu günədək heç kəsə danışmadığım bir hadisəni sənə ona görə danışmaq istəyirəm ki, həyatda mənim səhvimi təkrarlamaysan.
Cavan yaşlarımda iş üçün rayondan şəhərə getdim. Şəhərə gəldiyim 1 il olardı. Yaşadığım məhəllədə orta yaşlı gözəl bir xanımın əri olmasına baxmayaraq başqa bir neçəsi ilə də gördüşüyünü hamı bilirdi. Bir neçe gün idi ki şeytan məni bu qadına yaxınlaşmağa vəsvəsə edirdi. Əri olan bir qadınla zina etməyin nə dərəcədə böyük günah olduğunu bilirdim. lakin bu günədək nəfsimi özbaşına buraxdığım üçün, çox güclənmiş nəfs qarşısnda aciz qaldım. Artıq bu qadın ona qarşı istəyimin olduğunu hiss etmişdi. Nəhayət bir gün bir bəhanə tapıb, gedib həmin qadının qapısını döydüm. Qapını açdı və mən həyətə keçdim. Həmişəki kimi açıq-saçıq paltarı məni bir qədər də cəzb etdi. Ona diqqələ baxdığımı görüb gülmsədi və niyyətimin nə olduğunu anladı. Qısa deyim ki, bəzi söhbətlərdən sonra məni evə saldı və mən onunla zina etdim. Evdən çıxmağa hazırlaşarkən qapı döyüldü. Əri gəlmişdi. O qapını açan kimi ərinin evə daxil olmasına imkan vermədən ona dedi ki, çörəyimiz çox boyatdır, isti çörək al gəl. Bu sözdən sonra əri çörək almaq üçün geri qayıtdı və mən evdən çıxdım.
Bu hadisədən illər sonra bir gün işdən geri qayıdanda evimin qapısını döydüm. Yoldaşım qapını açan kimi, içəri keçməyimə aman vermədən dedi: Çörəyimiz çox boyatdır, isti çörək al gəl.
Bu zaman sanki məni tok vurdu. Bu eynilə həmin cümlə idi ki illər öncə mənimlə ərinə xəyanət edən qadın öz ərinə demişdi. Sanki kimsə qəlbimə pıçıldadı ki,bu sənin illər öncə etdiyin əməldir, bu gün qarşına çıxdı. Evdən çıxıb bir qədər kənarda maşında oturub, qapını güdməyə başladım. Az sonra evimdən bir cavan çıxdı. Maşınla arxasıyca gedib, ona çatdım və dedim: Otur maşına.
Təəccüblə baxıb, soruşdu ki, kimsiz?
Dedim, otur sözüm var.
Maşına oturandan sonra ona dedim ki, mən sənin yanına getdiyin qadının əriyəm. Cavan bunu eşidən kimi qorxusundan əsməyə başladı. Dedim, qorxma səninlə işim yoxdu. Çünki bu mənim öz əməlim idi. Bu gün onu Allah mənə göstərdi. İllər öncə etdiyim əməli, baş verənləri ətraflı şəkildə həmin cavana danışdım və ona dedim ki, get və bu işin sənin də başına gələcəyi günü gözlə. Daha sonra yoldaşımı boşadım.
Bunu sənə dedim ki, həyatda diqqətli olasan, nəfsini o qədər özbaşına buraxmayasan ki, bir gün səni belə bir çirkin əmələ vadar etsin.: