Təqvalı olmaq və təqvanı çoxaltmaq üçün nə edək?

Shia.az » İSLAMI ENSIKLOPEDIYA » Yalnız Mömünlərə » Təqvalı olmaq və təqvanı çoxaltmaq üçün nə edək?

Təqvalı olmaq və təqvanı çoxaltmaq üçün nə edək?

Müəllif :Vusal Tarix : 1-08-2018, 15:57 Bölmə :Yalnız Mömünlərə 0 Şərhев : 0

Təqvalı olmaq və təqvanı çoxaltmaq üçün nə edək?
.
Əxlaq ustadları təqvanın çoxalması üçün müxtəlif yolları açıqlamışlar, o cümlədən:
1- Vaciblərin hamısını yerinə yetirmək
2- Haramların hamısından çəkinmək
3- Danışıq və sözlərinə nəzarət etmək
4- Təqvanın bərəkət, səmərə və nəticələrini bilmək
5- Namazda hüzuri-qəlbə malik olmaq, yəni namazları xüzu (cismin təvazökarlığı) və xüşu (qəlbin təvazökarlığı) ilə qılmaq
6- Şübhələrdən çəkinmək. Şübhəli yerlərə getməmək, şübhəli yemək-içməklərdən çəkinmək
7- Özünə əxlaq ustadı seçmək
8- Çox yeməkdən çəkinmək
9- Allahın onu gördüyünə yəqin etmək
10- Alimlərin və təqvalı insanların həyatları barədə kitabları mütaliə etmək
11- Alimlər və təqvalı insanlarla oturub durmaq, təqvalı və əxlaqlı insanlarla dostluq etmək
12- Peyğəmbərin (s) və İmamların (s) öz yaxın səhabə və xüsusi dostlarına etdikləri nəsihət və moizələri mütaliə edərək həyatda tətbiq etmək
13- Özünübəyənmə və təkəbbürlüyü özündən uzaqlaşdıraraq təvazökar olmaq
14- Gecə namazlarını qılmaq və sübh namazından əvvəl yuxudan durmaq
15- Qurani-kərimi davamlı tilavət etmək, hər gün azı bir ayənin şərhinə baxmaq və onun barəsində düşünmək
16- Məsumlardan gələn duaları, o cümlədən: Camieyi-kəbirə, Kumeyl, Təvəssül, Nüdbə və sairi diqqətlə oxumaq
17- Davamlı zikr etmək, günün zikrləri, salavat və sair
18- Həmişə dəstəmazlı olmaq
19- Özünü islah etmək və nəfsini saflaşdırmaq
20- Özündən hesab çəkmək, belə ki hər axşam gün ərzində etdiyi əməlləri yada salıb onların barəsində düşünmək
21- İslam ədəblərinə riayət etmək
22- Gün ərzində hətta beş dəqiqə də olsa təkliyə çəkilib Allahın işləri və axirət barədə fikirləşmək
23- İnsanlarla mehriban və mərhəmətli davranmaq
24- Qohumlarla əlaqəni kəsməmək və onlarla yaxın ünsiyyətdə olmaq

25- Valideynə xidmət etmək, əgər sağdırlarsa onların qulluğunda durmaq, əgər vəfat ediblərsə onların qəbrini ziyarət etmək