Reinkarnasiya (İslamda "tənasüx”) ölən canlının ruhunun başqa formada dünyaya qayıtmasına inancdır. Səmavi dinlərdə belə bir inanc yoxdur. Reinkarnasiya əsasən Hindistanda, şərq xalqları arasında yayılmışdır.
Tənasüxün 4 növü qeyd edilir:
1.Nəsx – ruhun başqa insana hülulu, keçməsi;
2.Məsx – ruhun heyvana keçməsi;
3.Rəsx – ruhun cansız cisimlərə keçməsi;
4. Fəsx – ruhun bitkilərə keçməsi.
Tənasüx – Reinkarnasiya əqidəsinin əsassız (batil) olmasına 4 sübut göstərilir:
1. Təkamüldə geri dönüş mümkün deyil;
2. Ruh yalnız öz qabında – cismində yaşaya bilər;
3. Ruh nəyisə tam unutmur (Allaha pərəstişin fitriliyi buradandır);
4. Keçid üçün yeni nütfəyə ehtiyac var, hansı ki hər nütfə bir ruh üçün nəzərdə tutulub.
Mominun surəsinin 100,101-ci ayələrində oxuyuruq: "Nəhayət, (müşriklərdən) birinin ölümü gəlib çatdığı zaman o belə deyər: "Ey Rəbbim! Məni geri (dünyaya) qaytar! Bəlkə, tərk etdiyim yaxşı əməlləri (indi) edəm”. Xeyr! Onun bu dedikləri ancaq (boş) bir sözdür. Onların arxasında diriləcəkləri günə qədər bərzəx vardır.”
Mövzu ilə bağlı Ayətullah Məkarim Şirazinin "Ruhlarla rabitə” kitabında ətraflı məlumat verilir.

RashiD

www.ehlibeyt.info